可爱小女生-----梁靖琪

星星和月亮 · 发表于 2008-5-26 21:20

马上注册，结交更多好友，享用更多功能，让你轻松玩转社区。

您需要登录才可以下载或查看，没有账号？注册

x

liangjingq其实也不算盖楼，知道有人稀饭梁靖琪，正好看到有一些她的相关资料，就一起贴过来！:)

中文名: 梁靖琪
英文名: Toby Leung
出生日期:1983年2月27日
身高:165 cm
体重:99 lb
星座:双鱼座
最敬爱的人:父母
最喜爱的歌手:陈奕迅 Beyonce Dido
最被影响的音乐类型:Hip Hop R&B
最欣赏的电影:Grease A Walk to Remember Evita
最喜爱的演员:周润发 John Cusack Kate Hudson
最喜爱的颜色:黑色
最有感觉的喜爱季节:冬天
嗜好:看电影跳舞
最喜欢的运动:投球
最大的愿望:世界和平
最满意的部位:鼻子

背景

2004年被大國文化唱片公司發掘，與廖雋嘉（Elise）、陳美詩（Macy）及張曼伶（Bella）組成四人組合“女生宿舍”。其父為無綫電視戲劇分部製作總監梁家樹

電視劇

2005年《奇幻潮》GiGi (與黎諾懿合演)
2006年《男人之苦》高芬(與吳卓羲、劉松仁、蘇玉華合演)
2007年《歲月風雲》華清琳(與吳卓羲、林峯、宣萱、鄧萃雯、劉松仁、苗僑偉合演)
2007年《兩妻時代》吾爾烏焦(與歐陽震華、湯盈盈、黃浩然、陳國邦、羅敏莊合演)
2008年《師奶股神》（拍攝中）(與謝天華、商天娥、林嘉華、曾華倩、湯盈盈、滕麗名合演)
2008年《真心英雄》（未拍攝）(與郭晉安、鄧健泓、曹永廉、蒙嘉慧合演)

電影

2005年《千杯不醉》
2006年《傷城》
2007年《校墓處》

音樂作品

Bear In Mind(2005)

女生宿舍專輯
Life Is Beautiful(2004)

未出碟歌曲
賤人(2005)
小樽(2006)

廣告

香港必勝客電視及平面廣告(2004-2005)

獎項

2005年度新城勁爆頒獎禮 - 勁爆新登場女歌手
2005年度RoadShow至尊音樂頒獎禮 - 至尊潛力新人
第二十七屆十大中文金曲頒獎禮 - 最有前途新人獎（組合）銅獎
新城勁爆頒獎禮2004 - 勁爆新人王（組合）
勁歌金曲2004優秀選第二回 - 新星試打
Yahoo!搜尋人氣大獎2004 - 演藝新力軍組別
廣州電台2004年金曲金榜頒獎晚會 - 港台金曲獎「全女打」，新登場女組合大獎
PM第三屆樂壇頒獎禮 - PM火熱概念組合新人獎
PM第三屆人氣歌手奪標頒獎禮 - PM新進閃爍女子組合
2004年音樂先鋒榜 - 廣東最受歡迎女子組合獎金獎

[ 本帖最后由星星和月亮于 2008-5-26 22:55 编辑 ]

星星和月亮 · 发表于 2008-5-26 21:22

小時候的梁靖琪精靈活潑，洗完頭都要影番張相，扮印度妹。

父親是無電視戲劇分部助理總監梁家樹的梁靖琪，雖然長大後承受因家庭背景帶來的壓力，但一家四口感情深厚。

除了拍劇外，梁靖琪也接拍過三套電影，於《千杯不醉》中戲份不算多，她也直言只要有機會，唔放假都要做。

梁靖琪於04年以組合「女生宿舍」進軍樂壇，其時的她首次接拍寫真集，顯露豐滿身材

與吳卓羲合作過《男人之苦》及《歲月風雲》，緋聞傳得沒完沒了，梁靖琪直言：「我愛過卓羲九個月。」

今年3月在寧波拍攝《歲月風雲》外景時，因被拍得與劇中父親苗僑偉拖手而傳緋聞，梁靖琪直言「估唔到搞到咁大件事」。

星星和月亮 · 发表于 2008-5-26 21:22

2007年6月25日，下午2時，天星小輪上，如常地行人如鯽。

梁靖琪走在熙來攘往的碼頭，在沒有華麗服飾與濃妝豔抹的包裝下，顯得很平凡，就像個普通市民。

這本來就是她所追求的身分。

偏偏，她一點也不平凡。

選擇在天星小輪取景原意本來就是要讓根本不平凡的梁靖琪混在人群當中，一嘗普羅大眾童年的慳家玩意。

父親是無電視戲劇分部助理總監梁家樹，母親是前無藝員部經理「芭姐」蕭笑鳴，兩個都是電視圈中手握大權的高層，無論如何，梁靖琪一出生便不平凡。

於是，父母從來未帶過梁靖琪登上小輪、或乘搭任何交通工具，即使搭過船，也只是她長大後得閒無事忙自己選擇的一種消磨時間活動。

04年，梁靖琪與三個女孩子組成「女生宿舍」闖入樂壇，一開始她要做的卻不是把歌唱好，而是想盡辦法避免被人起家底。

無奈，藝人哪有私隱可言？

有兩個在圈中有勢力的父母，梁靖琪雖然快人一步，理想達到，出個人EP拍劇拍電影，但統統被指靠關係，抹煞了她所有努力。

「我希望外界可以真真正正去睇梁靖琪，而唔好去諗我係梁家樹個女，我相信勤力係冇人會知，我勤力咁又點？比人早到咁又點？冇人會理，不如大家睇形努力睇形演技。」

縱使承認那段星路一定會走得比人艱難，但梁靖琪從不埋怨，只會匿埋喊。

「父母，我冇得揀，亦唔會去改變，要埋怨我寧願埋怨自己。」

父母當然冇得揀，做藝人，觀眾才是老闆，他們喜歡自己與否，更加冇權揀，她可以揀的，是退出還是繼續，就今天而言，她選擇再行多一段時間。

對於04年女子組合「女生宿舍」的記憶，我們都或許（也幾乎是必然）忘記其他三位成員的名字，但一定記得梁靖琪，原因他父親是無獞騽》植恐理總監梁家樹，圈中受過他恩惠的人不少，其中有一段長時間冇拍劇的阿姐汪明荃，就因為被梁家樹力邀出山拍《創世紀》，令阿姐的演藝事業再闖高。欢最近重頭劇《歲月風雲》也正是梁家樹的作品，他的大名在電視圈中幾乎無人不曉，有如此一個享負盛名的父親，梁靖琪在圈中發展自然也特別受到關注。

在外界看來，「女生宿舍」幾乎是為她而組成，在三女烘托之下，梁靖琪特別矚目，四人賽跑，一個特別跑得快，分道揚鑣是必然賽果，「女生宿舍」解散後，其他三人不知所終，梁靖琪作個人發展卻比之前好像更順利，又拍劇又拍電影，為何她特別受到眷顧？可能她的確有演藝潛質，但更多人只願相信他父親在背後出手相助。

「坦白講，如果我係你個女，你幫唔幫？」梁靖琪問。

她沒有否認因為父親的關係才有工作，卻聲明從沒開口叫父親出手。

「如果daddy知道我冇能力的話，便不會幫，甚至幫了也沒用，我跟爸爸早就有個共識，會給自己一個限期，限期內我做不出成績便會放棄；說真的，他有幫我，卻不是非常幫，否則我可能第一年『女生宿舍』已經有機會拍劇，而不用等到第二年尾出了EP才慢慢加入電視圈。」

朝中有人當然好辦事，但梁靖琪認為壞處比好處多，奈何，家庭背景是無法改變的事實。

「雖然有很大壓力，但已經習慣了，我也不會去改變，因為爸爸媽媽是永遠的，他們無條件地愛我，我也無條件地愛他們！難道我要埋怨說：『daddy，我唔要你喇。』冇得怨，那我寧願埋怨自己，寧願自己唔開心。」

有一個位高權重的父親或許可以開通一些機會，但並不能左右觀眾的認受性，她埋怨的，正是因為父親的名氣，令觀眾主觀地認為她欠缺實力。

「我相信我是欠觀眾緣吧，我希望其他人能放低對我的偏見，嘗試忘記我的家庭背景，認真去看我的演技、看我的努力，我相信勤力係冇人會知，我勤力咁又點？我比人早到咁又點？觀眾唔會理，而我係好勤力好努力，每一場戲對我來說都是好重要，甚至我拍完都會記得，但冇人會知，我希望新聞慢慢會好啦，評價會好啦。其實有時都幾無辜，但我知道，我要食呢行飯，便要承受這些壓力。」

去年才加入電視圈的梁靖琪，已接拍三套無獎〖，新作《第三類暗戰》更擔任第一女主角，與歐陽震華合作，戲份比入行十年的湯盈盈還要重，又難怪外界再次認為是梁家樹的影響力。

24歲的梁靖琪，鏡頭前總是熱情親切，鬼馬佻皮，但原來她不開心，只會匿在家中廁所偷偷落淚，這更幾乎已經成為一種習慣，讓她能平衡情緒，宣洩不安。

「我鍾意喊，我是一個喜歡表達自己感情的人，所以有戲畀我喊我就開心喇，導演都覺得我\，我給人的感覺是很開心更更，不過我有時都會唔開心，只是不是人人有機會看得見。」

身為梁家孻女的梁靖琪，即使有兩個猛料父母，但工作上遇上不快事，還是選擇獨自面對，未敢告訴父母。

「我寧願匿埋屋企個廁所喊，雖然我喊得好大聲，但爸爸媽媽只在最初一、兩個月問過我乜事，後來也沒有過問，剩係知個女放工返a唔開心就由得我喊，我明白我有壓力，但他們的壓力也絕不比我少。」

心情低落，或者就是因為付出努力卻得不到認同，還有那些惡意中傷的批評，甚麼「醜樣」、「靠關係」、「鍾意企中間位」、「擺架子」，接二連三的負面新聞，就算做足易招人話柄的心理準備，也總要抽出少少空間讓自己呼一口氣，流一滴淚，抒發情緒。

「我由頭到尾也沒有說過自己是靚女，我只是有興趣唱歌，很喜歡演戲，如果我想做一個靚女，我便不會經常不顧儀態更更咁行出a，因為我想保留自我，我入行前應承過屋企人唔會冇自己，唔會改變。

「報道指我攝位，鍾意霸中間位影相，根本就唔係，有時企中間位真係唔覺意；重有話我擺架子，我係一個好friendly的人，我真係唔知咩叫『擺架子』，咩叫『寸』，話我劇本，我都覺得好笑，識我人都知我係一個自己跌都會講唔好意思人，我唔會遲到，我尊重同清楚自己工作崗位，人\點睇係人\事，不過我現在明白，有些事總要避忌，避得就避。」

在《男人之苦》及《歲月風雲》中，由於角色需要喊，梁靖琪多次流出真眼淚，只是哭得如何聲嘶力竭、如何淒慘，觀眾卻毫不動容，甚至狠批她「喊得醜樣」。

「個個都話我喊得醜樣，係好醜添，我都知呀，因為我係一個好投入人，每場戲我都要比人更加投入，所以我一喊就好放，都有導演話過我喊得好醜樣，會鬧，但我相信佢\咁講都係想我更好，咁我都希望可以喊得靚啦。」

6歲便留學加拿大的梁靖琪，雖然保留了傳統思想，行為卻儼如鬼妹仔，性格熱情如火，面對圈中好友，拖手攬腰親嘴視作等閒事；面對前輩如鄧萃雯、苗僑偉（三哥）更加mummy前、daddy後，關係親如家人，意想不到的是今年3月與三哥在寧波拍攝《歲月風雲》外景時，因十指緊扣被指「破壞人\家庭」。

「無可否認，有好多人真的會相信，而我也沒想到會搞成咁大件事！三哥，我諗我未出世，他已認識我父母，我細個陣，我諗佢都有抱過我，我在《歲》中飾演三哥與雯女的女兒，戲外我也稱呼他們為daddy、mummy，經常SMS講電話，那次拖手其實只是父親拖襞畠哼^馬路一樣，沒想過會弄成這樣。」

梁靖琪自嘲發生在她身上的新聞冇單好，邊個企親佢隔離都會受害。

「其實緋聞對我來說只是一件小事，但唔多唔少這些新聞也會影響人們對我的印象，現在我會諗多後果，避忌一定會，但不會埋沒我這種個性，因我相信每個人也需要去表達對其他人的愛，即使是一份尊重、一個hello、一個好友善的擁抱，都是需要的，現在我跟三哥都照拖手，睇心悖\寫得幾耐。」

梁靖琪另一位緋聞男友吳卓羲，由06年1月合拍《男人之苦》至今，緋聞沒完沒了，由撻糁敛缓停到早前翻撻，梁靖琪直認與吳卓羲的好朋友關係，同時也承認愛過他九個月。

「坦白說，我唔鍾意佢我係做唔到戲，我愛過佢足足九個月，兩個月的《男人之苦》、七個月的《歲月風雲》，雯女教過我，當我不是真正喜歡一個人，我是不能入戲的，我也找了很多方法才可以令自己愛上他，我要不停跟他說：『我愛你』，講到自己相信，當我相信了、投入了之後，我會好肉麻，當正自己是他的女朋友，問佢『飲唔飲呀？』『肚唔肚餓呀？』，卓羲又會毫不客氣咁話：『老婆，俾我飲。』真係好痺，不過我絕對可以抽離到，因為我知道自己的崗位要點樣做。」

梁靖琪除了是梁家樹女兒外，大抵觀眾也不會忘記她曾是04年樂壇組合「女生宿舍」的成員。

翻查「女生宿舍」年代的照片，被指經常爭企中間位的梁靖琪竟然全程靠邊站，甚至寫真集內，也被安排站在最側位置，因為要低調。

「我的背景無疑會給其他成員帶來壓力，可能真的會令她們不舒服，所以每次出席活動，我都唔會講咁多，好被動，盡量低調，希望大家會開心，唔會有不和，始終女孩子之間的關係很難搞得好。」

梁靖琪說得無奈，「女生宿舍」其他三位成員感覺上與帶羝見的觀眾無異。

縱使有這樣的家庭背景為她增添許多壓力，但如果有得揀，我都寧願做梁家樹個女。

星星和月亮 · 发表于 2008-5-26 21:23

有得揀，你揀行樓梯定搭 (車立) ？
梁靖琪（ Toby ）冇得揀，「我一出世就係梁家樹（無綫戲劇分部助理總監）同芭姐（前無綫藝員部經理蕭笑鳴）個女。」應該話入行等於入 (車立) 。
電梯女郎，即係揸 (車立) 人，入 (車立) (扌禁) 個掣就可以升得好快。之前的少女組合「女生宿舍」生涯算把啦，加入無綫拍劇一年多，已有套《男人之苦》做女主角，重頭劇《歲月風雲》戲分都唔少，之後仲有套《第三類型暗戰》，拍住歐陽震華，又係女主角。
但，事實架 (車立) 要去邊層、升定降，唔到電梯女郎話事，「有人對自己好，唔通我擰歪面？應該開心，應該對番人好啲。我會煲湯攞返工請佢哋飲，我都會幫對手抹汗喎。有人畀機會自己，唔通唔要？只可以勤力啲去做。」
只是，醜樣、老餅、有特權、臭脾氣、冧中生等報道浪接浪，「我好鍾意令人開心，點解你哋當我係敵人？」
因為，同級生個個着三點式做咪神捱樓梯博上位，人人都憎人跳級，厭人打尖囉。

醜樣

入無綫後機會比別人多，而且眼見前輩們個個畀面過兩招，好處多到不得了。高層爸爸幫到手， Toby 沒有否認過，亦一早預計會有閒言閒語，只是「冇諗過會長此落去」。
不過，行遠啲睇，梁家樹又唔係邵爵士，邊有得話晒事？
24 歲女，唔覺得戚唔覺有小姐脾氣，靠蠻勁向前衝其實冇錯。眼紅者亦請放心，只靠關係上位，其實唔會捱得耐。
不過，有張梯畀你爬向上，就唔好埋怨要 o徙力孭住佢喇，好多人恨唔到 o架。

不嬲都話我醜樣，話我老，話我眼袋大，喊到＊埋一嚿嘛。批評我接受，但係唔好無啦啦踩我一腳，試過有人傳我拍拍吓劇發脾氣掉劇本，熟我啲人都知，我唔小心跌咗劇本，都會笑笑口講唔好意思嘅，我絕對唔會對任何工作人員發脾氣。
不過好彩，我中文唔叻，好多報道睇唔明。
我憑咩喺呢行立足？ o依家呢一刻我諗係勤力，我會早過人返嚟睇劇本，將劇本拼音背熟，有時可以返屋企 o抖 o抖，我都揀留喺公司等開下一場，就係驚遲到招人話柄。
你見到我好似好多機會，其實我最想觀眾畀機會我。
唔係我唔識得放低包袱，係你地唔識撇開梁家樹嚟睇我。批評我之前，求吓你哋當我係一個新人，當我係你個妹，當我係你個女，畀個機會我、接受我。
我有時都會灰心，一個月低落一次囉，有時自己唔知自己為乜，點解我要揀條唔開心嘅路。不過，好快就冇事，同自己講囉，咁真係有興趣吖嘛。
每一個人嘅爸爸媽媽都會幫自己個女，但係如果完全靠佢，點解我入咗行年幾先拍劇？如果佢哋覺得個女唔得，更加唔會幫。

濫情

首先，我想問有邊個喊會喊得好靚女呢？不過，《歲月風雲》中的 Toby 個喊樣的確幾誇張。未有演技先做自己其實冇乜錯， Toby 說現階段拍劇未能收放自如，只能盡量投入，幻想自己阿爸阿媽要離婚，咪喊成咁囉，控制唔到。
仲有，佢話為拍劇愛上吳卓羲，抽離很難。
我就話，抽離唔到咪由得佢囉，唔係咩？

嗰排直情係精神緊張，我要好投入先做到戲，當三哥係我爸爸、雯女係我媽媽。我都唔想喊成咁，但係我控制唔到自己喊幾多，淨係諗起爸媽要離婚，爸爸自殺就快死，就喊到收唔到聲， cut 咗機都收唔到聲。
我仲未可以做到一拍完就抽離，所以我承認我愛上吳卓羲 9 個月，兩個月《男人之苦》、 7 個月《歲月風雲》。雯女話 o依家嘅觀眾好叻，睇得出你係唔係真係愛佢。嗰排我哋日日都通電話，我會話好掛住佢，佢又會話好愛我。我仲不斷發掘佢真人同劇入面個冼介強嘅內在美，好易就愛上咗佢。
我感情好豐富，好濫情，有一場吳卓羲撞車入醫院戲，導演嗌 cut ，我真係喊到停唔到，最後同卓羲講：「求吓你剝咗個頭啲繃帶同埋支架，我見到你咁我好幸苦。」

網上討論區有人話 Toby 喊得醜樣，我對喊冇乜研究， Toby 就長篇大論：「 Even 喊，都有唔同層次，有開心到喊啦，又有好歇斯底里咁喊，仲有 … … 」

Toby 係因為幫 Salon 做 model 影相而惹來唱片公司邀請，入行加入「女生宿舍」這件事，她說完全唔關爸爸事，爸爸只係講咗句：「好呀，你咪入行試吓囉。」

「女生宿舍」時期， Toby （黃衫）話錄緊歌都未簽約，因為仲考慮緊入唔入行：「好多人都警告過我，爸爸喺咁嘅位，我入行一定會惹嚟閒言閒語。」最後剩番 Toby 同 Macy （前，最近亦簽無綫拍劇），其餘兩位宿友，嫁咗人喇。

家務

父母為 97 搞移民， Toby 6 歲便到加拿大，鬼妹仔性格原來只係表面，內裏想法好傳統、好小女人、好黐家，仲好怕性感。
訪問到這裏，終於放低包袱唔使扮大人講嘢，亦唔使諗答錯一句半句，可能影響家人。佢笑得開心好多，我都聽得舒服好多。

同三哥傳緋聞，三哥話我未出世佢已經識我，第一個反應係笑囉，之後發覺真係有人信（緋聞），慢慢就唔識笑，唔知會咁大件事。我唔需要全世界鍾意我，但唔想人話我破壞人哋家庭，搶人老公喎、二奶喎，我覺得係好嚴重。幸好三嫂（戚美珍）又好錫我，我同佢啲仔女都好 friend ，都唔會有誤會。
如果拍拖，我會幫你打理晒家頭細務，好鍾意執嘢，煮嘢，男朋友最好有少少大男人，我好鍾意人哋管我嗰種感覺。男朋友唔鍾意我人前性感唔緊要呀，雖然我喺外國長大，但要我性感真係有個限度，露吓長腿或者拍劇着泳衣已經係我極限。
最好 29 歲結婚，我唔想同仔女有代溝，不過我會搵圈外人做男朋友，我要好 pure 嘅愛，呢行我覺得搵唔到，太多不信任喇，我又驚你拍劇鍾意咗邊個，我又驚有人話佢黐埋梁家樹個女度，為咗有多啲拍劇機會，所以，搵圈外人至少煩少一樣先。
我 o依家都有對象，不過唔敢開始，要睇清楚，我希望會係最後一個。到時我一定會公開，如果俾人影晒相，指指點點話呢話路呢關都過到，咁結婚啦，得 o架喇！

Toby 話搵男朋友唔使有錢唔使靚仔，最好唔係圈中人，咁吳卓羲應該唔合格喇，「我未入行已經識林峯，係朋友啲朋友，吳卓羲係佢介紹我識嘅。」

該死唔使病

雖然 Toby 話自己鍾意喊，但其實份人好樂觀。
「有人話我似男人，都有人話我似木村，咁靚仔，係好定唔好呢？哈哈。
「每一日都當係人生最後一日咁過，唔開心咪臨瞓先喊囉，第二日醒到，又冇事喇。
「我唔敢話自己演得好好，但如果我冇進步，我相信都唔會再有劇拍。其實都諗通咗，我都鋪定路自己，仲有 3 年，唔得咪讀廚啦，希望 o依家賺夠錢可以開到檔。
「其實我係因為有病，生血瘤先放棄加拿大學業，返香港做手術同俾屋企人照顧，亦因為咁先入咗行，我覺得人生係還債，每一個階段還清，就自然會離開，即係中文咩死咗唔使病？所以我唔會擔心或強求啲咩，包括再出碟。」
成為眾矢之的，都豁達面對，但，似乎樂觀過頭得有點不在乎。
嗱，又惹人妒忌喇。

批評我之前，求吓你哋當我係一個新人，當我係你個妹，當我係你個女，畀個機會我、接受我。

報道話宣萱（中）、佘詩曼（右）輪流幫 Toby 抹汗，服侍皇帝女， Toby 話：「我都有幫佢哋抹汗，但冇人影。」《蘋果日報》圖片

星星和月亮 · 发表于 2008-5-26 21:24

三哥和 Toby 同是玩得之人，彼此亦建立一份友誼和默契。

在三哥眼中的 Toby 是個工作認真的女孩，而他提示對方最緊要學好廣東話。

Toby 從雯女及三哥身上學到不少演技及處世之道。

打從三哥苗僑偉復出拍劇，其魅力直線上升，「妹妹仔」稍有差池就會被他的電眼迷倒。跟 24 歲的「世姪女」梁靖琪（ Toby ）惹上緋聞，兩人卻從不避忌，照拖手可也，皆因彼此都是遊戲人間，又何須太多顧慮！

我們這一家

拍下一張拖手照，三哥與 Toby 便成為緋聞情侶，年齡相差 25 年，卻毫無隔膜和代溝， Toby 今次邀請三哥接受訪問，兩人甫見面更照樣拖手，他們會以「爸爸、囡囡」互稱，在合作新劇《歲月風雲》時，早已視她和鄧萃雯為一家人，彼此關愛。

苗：苗僑偉　梁：梁靖琪

苗：你出世我已經抱你，依家睇住你入行，仲要飾演兩父女，感覺真係好奇妙。

梁：我都覺得好得意，你喺劇中做我爸爸，令我投入得好快，其實我喺你身上學到好多拍劇嘅嘢，亦都學到好多人生道理，你份人好似「大 BB 」咁，乜都玩一餐，其實同你合作，我真係當咗你係我爸爸，至於媽媽（雯女），我依家都成日同佢傾電話，會講秘密、心事。

苗：咁同我合作有冇深刻嘅經歷？

梁：我記得有幾場戲都好深刻，我要同你講啲感動嘅說話，點知未拍已經忍唔住喊緊，搞到導演唔知點算，之後就即刻叫我哋唔好喊住，即埋位啦！

為女平反

身為無綫高層梁家樹的女兒， Toby 甫入行即面對不少壓力，三哥眼中的「囡囡」是個對演藝有熱誠的女孩子，因此要為她平反。

苗：我同你合作過兩齣劇，睇得出你愈嚟愈進步，你係一個叻女，思想好成熟，雖然年紀只不過廿幾歲。可能你會背負住爸爸係公司高層嘅壓力，接住就要面對觀眾、傳媒，其實我覺得對你嚟講都係好唔公平。

梁：呢個壓力係會有，算係一個包袱，不過我早已習慣咗，有好多嘢冇得改變，我有咁錫自己嘅父母係福分，依家我學識去面對。

苗：我知你絕對唔係入嚟玩玩吓，喺片場唔會恃住爸爸嘅身份就大晒，當係一個擋箭牌，所以你要放鬆啲，做新人呢個係一個過程，冇理由一入行做到好叻，就算好叻都要有過程，你有的是青春！要將呢個壓力變成動力。

笑看緋聞

Toby 和三哥都很貪玩，早前卻玩出個禍來，走得太近又拖手，搞到傳出緋聞，他們又怎樣看待？

苗：呢個在所難免，因為我真係當你係我個女，我同自己個女都拖手啦，其實最重要係屋企人、朋友對我哋嘅信任，雜誌攞呢啲男女關係嚟講，咁我覺得無傷大雅嘅，某程度上咪當娛樂吓觀眾囉！

梁：對我嚟講其實好大影響 o架，初初我都會覺得好玩，但愈來愈多呢啲新聞嘅時候，開始覺得唔 Funny ，不過我明白大家唔係就 OK 。

苗：我覺得復出拍劇之後，太太要畀我更加多信任，因為隨時一條新聞，好似我同你拖手仔都可以寫到咁大嘅，如果太太唔信我嘅，咁就大件事喇，正中雜誌下懷、奸計得逞喇！

星星和月亮 · 发表于 2008-5-26 21:25

Toby 對吳卓羲無疑是「日久生情」

除了苗僑偉外， Toby 亦曾與吳卓羲傳出緋聞，不過對於這個緋聞男友， Toby 坦承曾愛上他足足九個月。

梁：做戲一定要投入去愛一個人，好似我做你個女，你都好投入愛我，我都愛過吳卓羲九個月，七個月《歲月》兩個月《男人之苦》，當時我每一日都同佢講好愛佢，好掛住佢。

苗：係 o架，平時生活上你起碼要對佢有好感，唔通導演一嗌 cut ，大家就向左走向右走咩，兩個人要有交流，但係唔代表要平時收工都要食飯去街，咁就大件事啦，邊個老婆夠膽放個老公去拍戲呀！

梁：雯女都教識我一樣嘢，當你做戲嘅時候，如果連自己都說服唔到自己愛佢，觀眾會睇得出。不過我感情雖然豐富，但好彩識得收放自如，做完戲就算。

苗：你對愛情觀係點？

梁：我唔會太刻意強求，係我就係我，我唔夠膽去追求，當搵到一個鍾意嘅人，感覺自然會嚟。

星星和月亮 · 发表于 2008-5-26 21:25

Toby易惹緋聞，好還是不好？

梁靖琪（Toby）早前與苗僑偉（三哥）傳出緋聞後，最近再有報道指她與合作拍《歲月風雲》的吳卓羲（Ron）在北京「依泣」。Toby昨日越洋接受電台訪問，澄清與Ron的緋聞，更言對此已感麻木了。

只有友情

Toby指該雜誌刊登的依偎照片，其實是劇照。有指Ron要求加入攬Toby的戲份，對此Toby撐Ron說，這是劇情需要，笑言可能被該記者偷看了他們的劇本。談到其父梁家樹大為緊張，更親往北京監場，她稱父親是到了北京，但她一直拍劇，未見過他。不過一而再有緋聞傳出，她亦擔心形象受損。問她會否跟Ron有發展機會？她坦言沒有，二人之間只是很愛大家的朋友。Toby與三哥以父女相稱，那麼跟Ron又如何稱呼呢？Toby謂片場彼此以老公老婆相稱，平時則叫對方做卓羲。有傳Ron與佘詩曼拍拖，她力證二人沒有拍拖。就Ron花心之說，Toby維護對方指Ron不是花心之人。

三哥較Man

至於三哥和Ron之中，問Toby會選擇哪一個時？她反問有沒有中間位可以揀，是年齡的中間位。她覺得他們一個較有肉地，一個較瘦。她心目中喜歡男仔最好略肥，兼有少少大肚腩，Ron沒有肚腩，不符合她的條件。續問她覺得二人之中，哪個較好拖時，她直言三哥較Man，她較喜歡三哥。

星星和月亮 · 发表于 2008-5-26 21:26

梁靖琪和苗僑偉傳出緋聞後，最近有報道指梁靖琪和吳卓羲在北京拍攝新劇《歲月風雲》期間，兩人不時「依泣」互攬，態度親暱。昨日查小欣以長途電話訪問身在北京的梁靖琪，梁靖琪對於這些報道已感麻木，再沒感覺。

她稱：「之前一日香港的fans致電給我同事，叫他們把這段報道告訴我，其實該雜誌登出來的親密照，全部都是劇照而已。（報道指吳卓羲話借過膊頭讓你靠住？）我瓊知有記者影相，佢瓊企得好遠，唔明點解會聽到我瓊講野。（係咪吳卓羲要求加一場攬你的戲？）個場戲講佢發生意外，我好緊張，所以要擁抱佢，劇情需要咁做，本身劇本都有這段戲，可能佢瓊（指記者）入我們間房，幫我睇埋劇本喇。」

互稱老公老婆

梁靖琪坦言近日的報道，對她形象一定有影響。（同吳卓羲會否有發展機會？）無機會，我們只是朋友，片場會以老公老婆互稱，私底下便叫佢做卓羲。（吳卓羲和佘詩曼又有否拍拖？）當然沒有。（吳卓羲很識女？）我知他的為人不是這樣。（若然以男論男，你會揀三哥或是吳卓羲？）我會選中間位，他們年齡的中間。（邊個好攬一些？）吳卓羲肉地好，其實我同吳卓羲都合作過，之前都攬過不少，我個人較喜歡胖子，最好是有肚腩。（邊個隻手好拖一些？）吳卓羲手指肥肥瓊好得意，不過我鍾意三哥多一點。（日後見到吳卓羲會否尷尬？）無得避忌。

星星和月亮 · 发表于 2008-5-26 21:26

梁靖琪表示與吳卓羲是沒可能發展。

繼早前在北京拖着苗僑偉(三哥)傳出緋聞後，梁靖琪(Toby)剛又因倚在吳卓羲(Ron)肩膊睡覺而再傳出緋聞。
昨日Toby接受商台《查篤撐》節目訪問時，她解釋﹕「那些攬簟⒁轩鬜on的只是劇照，(報道指Ron主動讓肩膊給你倚羲﹖)其實當時記者距離很遠，不明白怎會聽到我們說那麼多東西。(但又指Ron主動要求在戲內攬你﹖)劇情講述他發生意外，我緊張地要擁抱他是劇情所需。」

Toby更稱與Ron是沒可能，但互相是十分愛對方的朋友，問到鍾意三哥還是Ron﹖她謂﹕「可不可以在兩者年齡之間，(哪兩個誰的手好拖﹖)Ron的手有些肥好得意，但我鍾意三哥的手較多，因為有男人味。」

星星和月亮 · 发表于 2008-5-26 21:27

高芬(梁靖琪飾)
年齡：19歲
職業：中學生/大學生
性格：品學兼優，高材生，聰明伶俐，為人爽朗、不拘小節，有毅力，倔強，不怕辛苦，獨立堅強。對家人關心，體貼，是一個孝順女，心知父親對自己期望甚高，故一直努力讀書，回報父親，故無暇拍拖，但對愛情有憧憬、有遐想，認真執著，追求浪漫感覺，將愛情放在首位，敢於為愛情付出和犧牲。

背景及遭遇：
高芬幼時喪母，乃豬肉檔老闆高威之掌上明珠，在父親和舅父克龍的悉心照料下成長，與家人相處融洽。
高芬一直勤奮上進，以考入大學為目標，希望一圓父親多年的心願，同時也想出人頭地，讓家人生活得更好。
在校內，高芬的成績總是名列前茅，老師德蕎非常欣賞這位學生，無論在功課上或是精神上也給予高芬很大的支持，高芬對德蕎的耐心教導十分感激。
中七公開試期間，高芬常在家中溫習，不想分神，故叫外賣PIZZA充飢，因此，高芬與薄餅速遞員世熙相識，而當高芬生病時，世熙更會為高芬送上白粥和成藥等，高芬不無感動，對世熙漸生好感。
放榜日，高芬金榜題名，成功考上收生要求最高的精算系，父親高威心感安慰，高興不已。高芬想將此事第一時間告知世熙，但世熙原來早已離職，高芬不禁帶點失落。
未幾，高芬和朋友們一同外出慶祝，剛巧遇到在街上大跳勁舞的世熙，喜出望外，世熙更教高芬大跳街頭舞步，高芬一直用功讀書，從未試過如此樂透，更從世熙身上感受到從未接觸過的浪漫感覺，兩人頓生愛意，在酒精的驅使和浪漫的環境之下，二人發生了關係。
高芬開始和世熙交往，因擔心父親會嫌棄世熙，故一直沒有將此事相告。不久高芬發覺自己意外懷孕，找世熙商量，二人心裡甚是焦急，不知如何是好，父親得悉此事後，更氣得到天任公司向他討回公道！
天任心知二人年紀尚輕，未有成家立室的準備，亦不想擔誤高芬前途，故私下找高芬商討，願意安排高芬墮胎及給予金錢上的補償，高芬心如刀割，以為是世熙意思，一怒之下想到診所墮胎，幸而被世熙阻止，世熙更答應高芬會照顧她一生一世，高芬大受感動，二人決定奉子成婚。
婚後，高芬知道墮胎原是天任的意思，對此事介懷，故對天任頗為冷漠，每對天任更是板著臉，與他生齟齬。
高芬性格倔強，縱使自己身懷六甲，仍堅持上大學，而世熙亦遵守對高芬的承落，供養高芬讀書和起居生活。
讀書壓力越見沉重，高芬不想被人輕看，腹大便便仍然逞強上學考試，過份操勞，導致早產。
兒子出世後，高芬不單要處理推積如山的功課，也要照顧經常哭哭啼啼的嬰兒，加上兒子身體狀況欠佳，令她無時無刻也很掛心，不能專心學習，感到非常吃力，百上加斤，開始有多少後悔當日堅持誕下嬰兒的決定。
就在此時，高芬成功考取獎學金，有機會到外國留學，當高芬正在為家庭和理想作出考慮之時，無意中得知世熙與自己結婚是出於責任多於愛，高芬深愛世熙，想不到他和自己一起原是出於責任，心裡甚是悲傷，對世熙極為失望，不想他勉強自己，因此考慮帶同兒子到外地進修，二人關係最終會如何發展？

账号		自动登录	找回密码
密码			注册

萍聚头条

[谈天说地] 可爱小女生-----梁靖琪

马上注册，结交更多好友，享用更多功能，让你轻松玩转社区。

评分

冇得揀！觀眾係我老闆！

[Face第14期]面對面 : 電梯女郎

苗僑偉梁靖琪父女多戀事

愛足吳卓羲九個月

跟吳卓羲是朋友梁靖琪揀三哥

梁靖琪攬吳卓羲稱讚「肉地好」

梁靖琪鍾意三哥有男人味

《男人之苦》

浏览过的版块

萍聚头条

[谈天说地] 可爱小女生-----梁靖琪

马上注册，结交更多好友，享用更多功能，让你轻松玩转社区。

评分

冇得揀！觀眾係我老闆！

[Face第14期]面對面 : 電梯女郎

苗僑偉梁靖琪父女多戀事

愛足吳卓羲九個月

跟吳卓羲是朋友梁靖琪揀三哥

梁靖琪攬吳卓羲 稱讚「肉地好」

梁靖琪鍾意三哥有男人味

《男人之苦》

浏览过的版块

[Face第14期]面對面 : 電梯女郎　

梁靖琪攬吳卓羲稱讚「肉地好」