香港移英家庭上演不伦闹剧，成社区笑柄后偷偷回流…

dolcnews

作者：點新聞



【点新闻报道】移英夫妇爆出轨，都唔系新鲜事。最近有移英港人在网上爆料，指有一名人夫与一名移民妈咪搞埋一齐，最终因send错肉麻短讯被断正。不伦事件在整个社区通晒天，人夫可能觉得冇面见人，旧年暑假一家已静鸡鸡执包袱回流香港。楼主直斥对方拍拍屁股走人，但就“搞到香港人个朵臭晒”。
该名移英港人在社交媒体上一个移英港人群组发帖，大爆该社区一间学校有“移英港人出轨”，指“有对夫妇老公叫A，老婆叫B，渠哋一有BNO计划就过咗英国中部某城镇落脚，同我哋一家住埋同一区算系大家有个照应。点知上年年头，B竟发现老公同另一个移民妈咪C女搞埋一齐！”
整件事要由前年圣诞节学校举办的“工作坊”讲起，楼主指，“当时A同C女都系家长义工，一齐整吓手工嘢咁。跟住两个人发展快过d胶剧，先喺家长whatsapp群私下add对下，美其名为‘交流煮港餸心得’。点知转头就变咗半夜三更send语音：‘你知唔知边度买到正统XXX？’跟住就约埋去中超扮‘偶遇’!”
正所谓上得山多终遇虎，“有晚A冲凉时，C女send错肉麻message过嚟跟住秒速撤回，但已经俾人妻B截图cap到正！”其实，人妻一早已发现唔到路，因为老公突然转咗手机密码，仲成日话要同“Bob”去睇波(后来先知 Bob系C女花名)。
不伦事件在整个社区通晒天，就连英国当地家长都食花生，最抵死系班英国白人家长食埋花生拉住我屋企人细细声问：“Are they practicing some new Chinese drama?”。楼主指，“最后可能A同B两公婆觉得冇面见人，旧年暑假静鸡鸡执包袱回流香港，但就唔知C女个边点收科。”
楼主慨叹：“我都明出轨度度有，但系你哋搞完一大轮就走咗去，搞到香港人个朵臭晒，我其实都系想简简单单喺英国识个另一半啫。”有网民则留言揶揄“一早讲过啲家长群组先系最败坏伦常”、“咁都畀A同B谂到用呢招做借口回流香港离开uk园”。